શોએબ અખ્તરે કર્યા નિકાહ

પાકિસ્તાનના પૂર્વ ફાસ્ટ બોલર શોએબ અખ્તરે ખૈબર પખ્તુનખવા પ્રાંતના હરિપુરની રહેવાસી 20 વર્ષીય યુવતી રુબાબ સાથે નિકાહ કરી લીધા છે. નોંધનીય છે કે થોડા દિવસો પહેલા અખ્તરે પોતાના નિકાહની વાતને અફવા ગણાવી હતી. અખ્તરે 38 વર્ષની ઉંમરમાં નિકાહ કર્યા છે, જ્યારે તેના સાથી ક્રિકેટરોએ ઘણા સમય પહેલા લગ્ન કરી લીધા છે.
એક પાકિસ્તાની ટીવી ચેનલના જણાવ્યા પ્રમાણે, અખ્તરે પોતાનાથી 18 વર્ષ નાની રુબાબ સાથે હરિપુરમાં બુધવારે નિકાહ કર્યા હતા. રિપોર્ટમાં જણાવ્યા પ્રમાણે, શોએબ તરફથી હક મેહરની રકમ તરીકે પાંચ લાખ રૂપિયા આપવામાં આવ્યા છે. નિકાહ સમારોહમાં અખ્તરના માતા-પિતા ઉપસ્થિત હતા.

પાકિસ્તાનની ક્રિકેટર્સમાં ઈમરાન ખાનની વિદેશી પત્ની અને શાહિદ આફ્રિદી, વસિમ અકરમની પત્ની તેની સુંદરતા માટે ચર્ચિત છે. વસીમ અકરમે 12 ઓગસ્ટ 2013ના રોજ ઓસ્ટ્રેલિયન ગર્લફ્રેન્ડ શનિરા થોમ્પસન સાથે નિકાહ કર્યા હતા. આ પહેલા બન્નેએ 7 જુલાઈના રોજ સગાઈ કરી હતી. અકરમની થોમ્પસન સાથે 2011માં મેલબોર્નમાં મુલાકાત થઈ હતી. અકરમના આ બીજા લગ્ન છે.