કેશોદમાંથી કુટણખાનું ઝડપાયું, દંપતી સહિ‌ત પાંચની અટક

કેશોદમાં કોલેજ રોડ પર ભકિતનગર વિસ્તારમાંથી પોલીસે કુટણખાનું ઝડપી પાડયું હતું. પોલીસે આ લોહીનો વેપાર ચલાવતા દંપતી, બે રૂપલલના અને એક ગ્રાહકની અટક કરી આગળની તપાસ હાથ ધરી છે. શહેરમાંથી કુટણખાનું ઝડપાતા ચકચાર પ્રસરી છે.

પ્રાપ્ત વિગતો મુજબ કેશોદમાં કોલેજ રોડ પર ભકિતનગર વિસ્તારમાં દેહવિક્રયનો ગોરખધંધો ચાલતો હોવાની પૂર્વ બાતમીનાં આધારે ડીવાયએસપી ભરતસિંહ ટાંક, પીઆઇ ચૌધરીએ એએસઆઇ આર.એચ. મિયાત્રા, સામતભાઇ બારૈયા સહિ‌તનાં પોલીસ સ્ટાફને સાથે રાખી આજે સાંજનાં પાંચ વાગ્યાની આસપાસ આ સ્થળે એક મકાનમાં ત્રાટકી અહીંયા ચાલતા કુટણખાનાનો પર્દાફાશ કર્યો હતો.